एक्स्ट्रा टेक ओभल ईन्टरनेश्नल क्रिकेट स्टेडियममा आयोजना गरिने प्रतियोगिताको सबै तयारी पुरा भएको बुधबार बुटवलमा पत्रकार सम्मेलन गरि आयोजक क्लबका सल्लाहकार निरजप्रताप खाँडले बताए । प्रतियोगिता टी–२० ढाँचामा खेलाइनेछ भने चार टोलीबीच कुल ७ खेल हुनेछन् । लिग चरणमा प्रत्येक टोलीले एक–अर्कासँग एक पटक प्रतिस्पर्धा गर्नेछन् । लिग चरणपछि अंक तालिकाको शीर्ष दुई टोली फाइनलमा प्रवेश गर्नेछन् । प्रतियोगितामा बुटवल वरियर्स, बुटवल टाईटन्स, रोयल च्यालेन्जर्स बुटवल र बुटवल सुपर किङस रहेका छन् । प्रतियोगिताको विजेता टोलीले ट्रफीसहित नगद रु २० हजार प्राप्त गर्नेछ भने उपविजेताले ट्रफीसहित रु १० हजार पुरस्कार पाउनेछन् । त्यसैगरी “म्यान अफ द सिरिज”, “बेस्ट ब्याट्सम्यान”, “बेस्ट बलर” तथा प्रत्येक खेलका “म्यान अफ द म्याच” लाई ट्रफी प्रदान गरिने छ ।
पछिल्लोसमय खेलाडीहरुमा ब्यवसायिकसंगै आयआर्जन हुने गरि खेल क्षेत्र अघि बढेको खेलप्रेमी मेघराज भट्टराईले बताए । ग्रासरुट खेल विकासमा क्लबको महत्वपूर्ण योगदान रहेको बताउदै खेलकुद क्षेत्रको पूर्वाधार विकास, आधुनिकता र प्रविधि विकासमा जोड्न जरुरी रहेको उनले बताए । नेपालको खेलकुद क्षेत्रमा अग्रसर रहेको भएपनि आवश्यक उपलब्धिसम्म पुग्न नसकेको उनले बताए ।
खेलाडीहरूको ब्याटिङ, बलिङ, फिल्डिङ तथा नेतृत्व क्षमताको विकास गर्नुका साथै भविष्यका जिल्ला, प्रदेश तथा राष्ट्रिय स्तरका खेलाडी पहिचान गर्ने उदेश्य रहेको क्लबका सचिव प्रथम पराजुलीले बताए । बुटवलमा ग्रासरुट क्रिकेट विकासलाई मजबुत बनाउने र युवा खेलाडीलाई खेलप्रति प्रेरित गर्ने लक्ष्य सहित एकेडेमी संचालन गर्दै आएको उनले बताए ।
