पशुपतिनाथ मन्दिर आसपासका क्षेत्रमा मासु तथा मदिरा बिक्री वितरण प्रतिबन्ध

खबरपथ संवाददाता
२१ मंसिर २०८०, बिहीबार १२:१९

काठमाडाैं । पशुपतिनाथ मन्दिर परिसर र आसपासका क्षेत्रमा मासु तथा मदिरा बिक्री वितरणमा प्रतिबन्ध गरिएको छ ।
यही मङ्सिर २५ गते पर्ने बालाचतुर्दशी पर्वलाई दृष्टिगत गरी पशुपतिनाथ मन्दिर आसपासका क्षेत्रमा आजदेखि मासु तथा मदिरा उत्पादन, बिक्री, ओसारपसार, भण्डारण र सेवन गर्न प्रतिबन्ध गरिएको हो ।

गौशाला मित्रपार्क सडकदेखि पूर्व, पशुपति क्षेत्रको पूर्व सिमानादेखि पश्चिम, गौशाला तिलगङ्गा चक्रपथदेखि उत्तर, मित्रपार्क–उमाकुण्ड–गौरीघाट हुँदै गुह्येश्वरीदेखि दक्षिणभित्रका सबै भागमा यही मङ्सिर २७ गतेसम्म मासु तथा मदिरा उत्पादन, बिक्री, ओसारपसार, भण्डारण र सेवनमा पूर्णरुपमा रोक लगाइएको पशुपति क्षेत्र विकास कोषका सदस्य सचिव राजकुमार खत्रीले जानकारी दिए ।

उनले भने, ‘पशुपतिनाथ आसपासका विभिन्न क्षेत्रमा मासु तथा मदिरा उत्पादन, बिक्री, ओसारपसार, भण्डारण र सेवन गर्न नपाइने सूचना प्रकाशित गरेका छौं, उक्त सूचनाको बर्खिलाप हुने गरी कुनै काम भएमा प्रचलित कानूनबमोजिम कारबाही हुनेछ ।’

यसमा तपाइको मत

Your email address will not be published. Required fields are marked *


*