स्वास्थ्य मापदण्ड पालनागरी खुसियालीका साथ तिहार मनाउन प्रधानमन्त्री देउवाको आग्रह
काठमाडौं । प्रधानमन्त्री शेरबहादुर देउवाले अझै पनि कोभिड -१९ को जोखिम कायमै रहेको र सबै नागरकिलाई पूर्ण खोप लगाई नसकिएको हुँदा कोभिड -१९ विरुद्धका स्वास्थ्य मापदण्डलाई पालना गर्दै यस पर्वलाई खुशीयालीका साथ मनाउन हार्दिकअनुरोध गर्नभएको छ ।
भाइटीकाका अवसरमा आज शुभकामना सन्देश दिंदै प्रधानमन्त्री देउवाले सरकारको निरन्तर प्रयास र नेपाली दिदि बहिनी तथा दाजुभाइको सहयोगले कोभिड -१९ विरुद्धको खोप लगाउने कार्यमा उल्लेख्य प्रगति हासिल भएको उल्लेख उल्लेख गर्नुभएको छ ।
सन्देशमा कोभिड -१९ को प्रभावलाई न्यूनीकरण गर्न सरकार निरन्तर क्रियाशिल भएकाले होसियारीपूर्वक यस किसिमका पर्वलाई केही हदसम्म आपसीरुपमा बसेर मनाउन सक्ने उल्लेख छ ।
प्रधानमन्त्रीले यतिबेला संविधानको संस्थागत कार्यान्वयनमार्फत मुलुकलाई विकास र प्रगतिको दिशामा अगाडी बढाईरहेको उल्लेख गर्दै आम नागरीक र राज्यका सबै निकायको आ-आफ्नै भूमिका एवं कार्यक्षेत्र रहने हुँदा सबैले आफ्नो भूमिकालाई बिर्सिएर हिंडन खोज्यो भने त्यसले हामी कसैलाई सफलता र खुशी दिन नसक्ने बताउनुभएको छ ।
उहाँले तिहार जस्तो दिदीबहिनी र दाजुभाइको मिलन गराएर आपसी भाइचाराको सम्बन्ध बढाउने पर्वले हामी सबैलाई त्यो किसिमको प्रेरणा र खुशी देओस् भन्ने कामना गर्दै मुलुकमा शान्ति र अमनचयन र सुशासनको प्रत्याभूतमिा उचाइ हासिल गर्न मद्दत पुगोस् भन्ने कामनासमेत व्यक्त गर्नु भएको छ ।
स्वदेश तथा विदेशमा रहेका सम्पूर्ण नेपाली दिदीबहिनी तथा दाजुभाइमा सुख, शान्ति, सम्बृद्धि र सुस्वास्थ्य, दीर्घायु र उत्तरोत्तर प्रगतिको शुभकामना व्यक्त गर्दै प्रधानमन्त्री देउवाले यस पर्वले आम नेपाली दिदीबहिनी तथा दाजुभाइका बीच आपसी भाइचाराको सम्बन्ध बिस्तार गर्नमा महत्वपूर्ण भुमिका खेल्ने विश्वास गर्नुभएको छ ।
भगवान् सूर्यका छोरा यमराजले आफ्नी बहिनी यमुनाको निम्तो स्वीकार गरी बहिनीको घरमा गई पाँच दिनसम्म बसेर रमाइलो गरेको हुँदा यसैको सम्झानास्वरुप यपपञ्चकका रुपमा पाँच दिनसम्म मनाइने, ढोकामा ओखरलाई फोडेर दिदीबहिनीले दाजुभाइको पूजा गर्दै दीर्घायूको कामना गर्ने बिशेष दिनका रुपमा पनि भाइटीकालाई लिने गरिएको प्रसङ्ग सन्देशमा उल्लेख गरएिको छ ।
यो पनि पढ्नुहोस्
