आज प्रचण्ड – माधव पक्षको विरोध प्रदर्शन
काठमाडौं । नेकपा प्रचण्ड-माधव समूहले आज संसद विघटनको विरोधमा काठमाडौंमा विरोध सभा गर्दैछ ।
बुधबार भृकुटीमण्डपमा हुने विरोधसभालाई अध्यक्ष प्रचण्ड सहितका शीर्ष नेताहरुले सम्बोधन गर्नेछन् ।
विरोधसभा अघि पुल्चोक, माइतीघर मण्डला, केशरमहल, त्रिपुरेश्वर र जमलबाट जुलुस निस्किने छन् । भृकुटीमण्डपमा पुगेर सभामा परिणत हुने जुलुसको नेतृत्व गर्न प्रचण्ड-माधवले गर्नेछन् ।
विरोधसभामा सहभागी गराउन विभिन्न जिल्लाबाट कार्यकर्ताहरुलाई काठमाडौं मा ओसारिएको छ । विरोधसभामा दुई लाख कार्यकर्तालाई उतार्ने दाबी सो समूहले गरेको छ ।
शक्ति प्रदर्शनको पूर्वसन्ध्यामा स्वयंसेवकहरुले काठमाडौंमा मार्चपास गरेका थिए ।
यो पनि पढ्नुहोस्
