पूर्व सञ्चार राज्यमन्त्री तप्तबहादुर बिष्टको निधन

खबरपथ संवाददाता
६ असार २०७८, आईतवार १०:५०

काठमाडौं । काठमाडौं नेपाली काँग्रेसका नेता एवं पूर्व सूचना तथा सञ्चार राज्यमन्त्री तप्तबहादुर विष्टको निधन भएको छ ।

उनको शनिबार राति ललितपुरस्थित मेडिसिटी अस्पतालमा उपचारका क्रममै निधन भएको नेपाली कांग्रेसका महामन्त्री पूर्णबहादुर खड्काले जानकारी दिए ।

बिष्टको भेन्टिलेटरमा उपचार भैरहेको थियो । कोरोना पुष्टि भएपछि बिष्टको गत जेठ १६ गतेदेखि कर्णाली प्रदेश अस्पतालमा उपचार हुँदै आएको थियो । तर स्वास्थ्यमा सुधार नआएपछि उनलाई थप उपचारका लागि जेठ २६ गते हेलिकप्टरमार्फत काठमाडौं ल्याइएको थियो ।

कांग्रेस सुर्खेतका सभापति भइसकेका बिष्ट २०७० सालमा सुर्खेत क्षेत्र नम्बर ३ बाट संविधानसभा सदस्य भएका थिए । उनी २०७४ को देउवा नेतृत्वको सरकारमा सञ्चार तथा सूचना प्रविधि राज्यमन्त्री भएका थिए ।

 

यसमा तपाइको मत

Your email address will not be published. Required fields are marked *


*