चितवनबाटै चुनाव लड्ने प्रचण्डको घोषणा
काठमाण्डौं । नेकपा माओवादी केन्द्रका अध्यक्ष पुष्पकमल दाहाल प्रचण्डले आफू चितवनबाटै चुनाव लड्ने बताउनु भएको छ ।
जापानमा रहनु भएका प्रचण्डले पत्रकारहरुसंग कुरा गर्दे आफू बताउनु भएको हो। पत्रकारहरु संग उहाँले भन्नुभयो ‘म अन्तबाट होइन, चितवनबाटै चुनाव लड्छु,’ ‘चितवनको पनि क्षेत्र नम्बर ३ बाटै चुनाव लड्छु, प्रष्ट हुनुहोला।’
उहाँले आफूले चार/पाँच महिना अघिदेखि नै चितवनबाटै चुनाव लड्ने बताइरहेको उल्लेख गर्नुभयो। उहाँले जापानमा रहेका नेपालीलाई सहयोग गर्न पनि आग्रह गर्नु भएको छ।
‘देशभरको समृद्धिका लागि म सोच्छु, चितवन देशको केन्द्र र विकासको तीव्र गतिमा अघि जाने सम्भावना भएकोले एउटा सन्देश जाओस् भनेर चितवनलाई मैले महत्व दिइरहेको छु,’ उहाँले भन्नुभयो , ‘म अपिल गर्छु, जापानमा रहेका साथीहरूले पनि सहयोग गर्नुहोस्।’
आफूलाई चुनाव लड्न आइदिन कालिकोट, रूकुम, गोरखा, धनुषा, सिराहाका नेतारकार्यकर्ताले आग्रह गरिरहेको पनि प्रचण्डले बताउनुभयो ।
‘साथीहरूलाई के परेको छ भने प्रचण्ड आए विकास तीव्र रूपमा हुन्थ्यो भन्ने छ। मैले साथीहरूलाई धन्यबाद भन्दै यसपटक चितवनबाटै लड्छु भनेको छु,’ प्रचण्डले भन्नुभयो ।
यो पनि पढ्नुहोस्
