कांग्रेस प्रमुख सचेतककाे प्रश्न : चिया पिउन भ्याउनेले चिया किसानको समस्या समाधान किन नगरेकाे ?
काठमाडौं । नेपाली कांग्रेसका प्रमुख सचेतक निश्कल राईले सरकारले चिया उद्योग र किसानका समस्याप्रति गम्भीर नभएको आरोप लगाएका छन्।
प्रतिनिधिसभाको बैठकमा आज बोल्दै प्रमुख सचेतक राईले भारतले चीया निर्यातमा अघोषित प्रतिबन्ध लगाएका कारण इलामसहित पूर्वी पहाडी जिल्लाका चिया उद्योग र किसानहरू गम्भीर संकटमा परेको समेत जनाए ।
‘मैले योसँग सातौँ पल्ट भयो यो कुरा उठाएको। प्रधानमन्त्री मन्त्रीहरूलाई लिएर देश बनाउँदै हुनुहुन्छ। सामाजिक सञ्जालमा हेरेर थाहा पाएको, उहाँ चिया पसलमा गएर चिया पिउन पनि भ्याउनुहुन्छ तर वार्षिक ३ करोड बढी तयारी चिया निर्यात हुने र अर्थतन्त्रको मेरुदण्डको रूपमा रहेको चिया उद्योगी र किसानको समस्या समाधान गर्न उहाँले फुर्सद पाएको देखेको छैन’ उनले भने ।
उद्योग बन्द हुँदा किसानले उत्पादन गरेको हरियो चिया खेर गएको, श्रमिकको रोजगारी गुमेको तथा उद्योगीहरू बैङ्कको ऋणको ब्याज तिर्न नसक्ने अवस्थामा पुगेको उनले बताए।
यो पनि पढ्नुहोस्
