मुलुक जोगाउन बलियो राष्ट्रबादी शक्ति आबश्यक : कमल थापा
काठमाडौं । राप्रपा नेपालका अध्यक्ष कमल थापाले मुलुकमा हाल कायम बेथिति , बिकृति र बिसङ्गतिको अन्त्यको लागि तथा देशको राष्ट्रियता, अखण्डतामा र प्रजातन्त्रको रक्षाको निमित्त बलियो राष्ट्रबादी शक्ति आबश्यक भएकोमा जोड दिएका छन ।
पार्टीद्वारा काठमाडौं –१ को क्षेत्रीय प्रशिक्षण कार्यक्रममा बोल्दै थापाले २०६२ /०६३ को मार्गचित्र गलत र त्रुटिपूर्ण भएको तथा पुर्णत असफल भएको समेत दाबी गरेका छन् ।
देश र जनताले नयाँ बैकल्पिक शक्तिको खोजी गरेको भन्दै थापाले गणतन्त्र, धर्मनिरपेक्षता र संघीयताले देशको हित गर्नै नसक्ने ठोकुवा समेत उनले गरेका छन् ।
उनले कुशासन, भ्रष्टाचार, बेरोजगारी, महङ्गी, धर्म परिबर्तनलाई रोक्न एकपटक जनता जुरुक्क उठ्नुपर्नेमा जोड दिदै आन्दोलनको बाताबरण निर्माण गर्नुपर्ने आबश्यकता औल्याएँ।
कार्यक्रममा तारानाथ लुइँटेल, श्याम घिमिरे, पुष्पा खरेल भट्ट, उज्वल पोखरेल लगायतले बोलेका थिए । प्रशिक्षण उपत्यकाको १५ वटै क्षेत्रमा सघन रूपमा संचालन गरिने महामन्त्री राजाराम बर्तौलाले जानकारी दिए ।
यो पनि पढ्नुहोस्
